काठमाडौँ । उपत्यका भित्रिने नाकामा निगरानी बढाउन शुरु गरिएको छ। कोरोना महामारीको जोखिम दोहोरिने खतरा बढेपछि काठमाडौं भित्रिने प्रमुख नाकामा कडाइ थालिएको हो।
स्वास्थ्य मन्त्रालयका अनुसार प्रमुख नाकामा अहिले ज्वरो आएका तथा रूघाखोकी लागेका व्यक्तिहरूलाई अनिवार्य पिसिआर परीक्षणमा पठाइन थालेको छ।
रूघाखोकी र ज्वरो आएका व्यक्तिहरूलाई परीक्षणमा पठाउने गरेको साथै परीक्षणको जिम्मा स्वास्थ्य कार्यालयलाई दिइएको प्रमुख जिल्ला अधिकारी काली पराजुलीले बताउनुभयो ।
उहाँले ज्वरो मापनलाई अहिले प्रभावकारी बनाइएको र नाका छिर्ने व्यक्तिहरूलाई स्वास्थ्यकर्मी र सुरक्षाकर्मीले सोधीखोजी गर्ने गरेको उल्लेख गर्नुभयो ।
यस्तै लक्षण देखिएकालाई पिसिआर परीक्षण गर्न पठाउने गरेका छन्।
