गार्मा मावि गार्मालाई कृषिबाट वार्षिक ५ लाख आम्दानि

सोलुखुम्बु । गार्मा माध्यमिक विद्यालय गार्माले कृषि खेतिबाट वार्षिक ५ लाख आम्दानि गरिरहेको छ । कृषि प्राविधिक शिक्षाका विद्यार्थीहरुहरुले प्रयोगात्मक रुपमा गरेको तरकारी बिक्रि गरि वार्षिक ५ लाख आम्दानि भईरहेको गार्मा माध्यमिक विद्यालय गार्माका प्रद्यानाध्यापक विनोद सिंह तामाङले जानकारी दिनुभयो ।
विस २०७० सालदेखि कृषि प्राविधिक शिक्षा शुरु भएपछि विद्यार्थीहरुलाई अभ्यासको लागि ५० रोपनि जग्गा भाडामा लिएर तरकारी खेति शुरु गरिएको हो । यस्तै करीव पाँच रोपनि जग्गामा खालु र मकै खेति गरिएको छ ।

प्रद्यानाध्यापक तामाङका अनुसार तरकारी बिक्रि गरि भएको आम्दानि कृषि प्राविधिक शिक्षाकै लागि खर्च हुने गरेको छ । उत्पादन भएका तरकारी बजारसम्म पुर्याउन सकेमा प्राविधिक शिक्षाले समेत सार्थकता पाउने र विद्यार्थीहरु अझै व्यवहारीक हुने गार्मा मावि गार्माका प्रद्यानाध्यापक विनोद सिंह तामाङले बताउनुभयो ।
विद्यालयले बन्दा, ब्रो काउलि, गोलभेडा लगायतका तरकारी उत्पादन गर्ने गरेको छ ।