काठमाडौँ । नेपालमा पछिल्लो २४ घण्टामा थप १ हजार ४ सय ५९ जनामा कोरोना भाइरसकाे संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गाैतमका अनुसार देशभरका प्रयाेगशालामा गरिएकाे १० हजार ३ सय ७५ जनाकाे पिसिआर परीक्षणमा साे संख्यामा संक्रमित थपिएका हुन् ।
यससँगै नेपालमा कोरोना संक्रमितको कुल संख्या ५६ हजार ७ सय ८८ पुगेको छ भने हाल देशभर १५ हजार ७ सय ७९ जना सक्रिय संक्रमित छन् ।
मंगलबार थपिएका संक्रमितमध्ये काठमाडौं उपत्यकाका ६ सय ७६ जना छन् । उनीहरूमध्ये काठमाडौंका मात्रै ५ सय ५५ जना छन् भने भक्तपुरका ८६ र ललितपुरका ३५ जना छन् ।
यसैगरी मंगलबार थप १ हजार ६२ जना कोरोना संक्रमित निकाे भएर डिस्चार्ज भएका छन् । यससँगै हालसम्म डिस्चार्ज हुनेको संख्या ४० हजार ६ सय ३८ पुगेको छ।
सक्रिय संक्रमितमध्ये देशभरका संस्थागत आइसोलेसन ८ हजार १ सय ३९ जना र होम आइसोलेसनमा ७ हजार ६ सय ४० जना रहेका छन् ।
यसैगरी देशभर २८ जनाको भेन्टिलेटरमा उपचार भइरहको छ भने १ सय ७४ जना आइसियुमा उपचाररत छन् ।
यसैगरी २४ घण्टामा थप ११ जनाको मृत्यु भएको छ । यससँगै काेराेनाका कारण मृत्यु हुनेको संख्या ३ सय ७१ पुगेको मन्त्रालयले जनाएको छ ।
Discussion about this post