१९ खर्ब डलरको कोरोना राहत प्याकेज पारित

काठमाडौँ । संयुक्त राज्य अमेरिकाको तल्लो सदन हाउस अफ रिप्रिजेन्टेटिभ्सले पनि राष्ट्रपति जो बाइडेनको १९ खर्ब डलरको कोरोना राहत प्याकेजलाई पारित गरेको छ। बुधबार भएको मतदानमा राहत प्याकेजका पक्षमा दुइ सय २० र विपक्षमा दुइ सय ११ मत परेको थियो ।
पारित भएको विधेयकमा शुक्रबार हस्ताक्षर गर्ने बताइएको छ। यसअघि गत शनिबार माथिल्लो सदन सिनेटबाट राहत प्याकेज पारित भएको थियो । प्याकेजका पक्षमा ५० र विपक्षमा ४९ मत परेको थियो।
जनवरी २० मा पदभार सम्हालेपछि राष्ट्रपति बाइडेनले पहिलो पटक दुबै सदनबाट आफ्नो प्रस्ताव पारित गर्नुभएको छ ।

साभार सेतोपाटि