काठमाडौँ । गएको २४ घण्टामा काठमाण्डौ उपत्यकामा १५ सय ९९ जनामा कोरोना भाइरसको सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार आइतबार काठमाण्डौमा १३ सय ७३ जना, ललितपुरमा एक सय ८७ जना र भक्तपुरमा ३९ जनामा सङ्क्रमण देखिएको हो ।
यो सङ्ख्या देशैभर थपिएका सङ्क्रमितमध्ये झण्डै ७१ प्रतिशत हो । केही हप्तायता काठमाण्डौ उपत्यकामा कोरोना सङ्क्रमण दर बढेसँगै जोखिम पनि बढेको छ ।
गएको २४ घण्टामा काठमाण्डौ उपत्यकामा १५ सय ९९ सहित देशैभर २२ सय ५३ जनामा कोरोना भाइरसको सङ्क्रमण पुष्टि भएको हो । योसँगै नेपालमा कोरोना भाइरसका सङ्क्रमितको सङ्ख्या ८६ हजार आठ सय २३ पुगेको छ ।
त्यस्तै सङ्क्रमण पुष्टि भएकामध्ये आइतबारसम्म ६४ हजारभन्दा धेरै डिस्चार्ज भएका छन् । पछिल्लो २४ घण्टामा एक हजार तीन सय २९ जना निको भएर घर फर्किएको मन्त्रालयले जनाएको छ ।
उज्यालो अनलाईनबाट साभार