दिनमा ३५ सय टन विद्युतीय फोहोर उत्पादन

काठमाडौँ । नेपालमा वर्षमा २५ हजार टन विद्युतीय फोहोर उत्पादन हुने गरेको एक तथ्यांकले देखाएको छ । एक अध्ययन अनुसार दिनमा ३५ सय टन विद्युतीय फोहोर उत्पादन हुने गरेको हो ।

फोहोरका रुपमा फालिने बिग्रिएका मोबाइल, ब्याट्री टेलिफोन, कम्युटर, क्यामेरा, बल्ब, एसी, एलसीडी टेलिभिजन, वासिङ मसिन लगायतका सामाग्रीले मानव स्वास्थ्य र वातावरणमै ठूलो हानी गर्ने विज्ञहरुले बताएका छन ।

विद्युतीय फोहोर सम्बन्धी अनुसन्धानकर्ता त्रिभुवन विश्वविद्यालयकी सहायक प्राध्यापक डा. ज्योति गिरीले विद्युतीय सामग्रीको बढ्दो उपयोग र त्यसको उचित व्यवस्थापन नहुँदा जोखिम बढ्दै गएको बताउनुभएको छ ।

उहाँले नेपालमा निजी क्षेत्रबाट व्यवस्थापनका लागि केही प्रयास भए पनि सरकारले भने खासै चासो नदिएको बताउदै यसको पुनस्प्रयोगमा पनि जोड दिनुपर्ने उल्लेख गर्नुभयो ।