काठमाडौँ । नेपाली कांग्रेसका वरिष्ठ नेता रामचन्द्र पौडेलले पार्टी सभापति शेरबहादुर देउवा फेरि प्रधानमन्त्री हुने सम्भावना रहेको बताउनुभएको छ ।
संसद विघटनको विरोधमा चितवन भरतपुर महानगरपालिमा आयोजित विरोध सभालाई सम्बोधन गर्दै कम्युनिनस्ट पार्टी फुटेकाले संसद पुनर्स्थापना हुँदा पनि कांग्रेस नै निर्णायक शक्ति बन्ने बताउँदै शेरबहादुर देउवा फेरि प्रधानमन्त्री हुने सम्भावना रहेको बताउनुभएको हो ।
नेता पौडेलले संविधानलाई बचाएर मात्र चुनावमा जाने बताउनुभएको हो । केन्द्रीय कार्यसमितिले प्रतिनिधिसभा विघटनलाई असंवैधानिक भनेको स्मरण गर्दै उहाँले संसद पुनस्र्थापना अपरिहार्य रहेको उल्लेख गर्नुभयो ।
प्रतिनिधिसभा विघटन गरेर संविधानलाई रछ्यानमा पुर्याउने काम भएको भन्दै उनले त्यसलाई सच्याउनुपर्ने भन्दै संविधान पढेर मात्र फैसला गरिदिन समेत आग्रह गर्नुभयो ।
