काठमाण्डौ । सगरमाथाको नयाँ उचाइ ८८४८.८६ मिटर कायम भएको छ ।
उचाइ मापन भने नेपाल र चीनले छुट्टाछुट्टै गरेको भएपनि सगरमाथाको नयाँ उचाइ नेपाल र चीनले एकैपटक मंगलबार सार्वजनिक गरेको हो ।
मङ्गलबार नेपाल र चीन बीचको संयुक्त बैठकमा परराष्ट्रमन्त्री प्रदीप ज्ञवाली र चिनियाँ विदेशमन्त्री वाङ यीको सहभागितामा दुई देशको संयुक्त भर्चुअल समारोहमार्फत सगरमाथाको नयाँ उचाइ सार्वजनिक गरिएको हो ।
यसअघि भारतले सन् १९५४ मा सगरमाथाको उचाइ मापन गर्दा आठ हजार आठ सय ४८ मिटर रहेको थियो ।
