काठमाडौँ । नेत्रविक्रम चन्द ‘विप्लव’ नेतृत्वको नेकपाका नेता अनिल शर्मा ‘विरही’ लाई अस्पताल परिसरबाटै पक्राउ परेका छन्। भरतपुर अस्पतालमा उपचाररत शर्मालाई प्रहरीले शनिबार अपरान्ह पक्राउ गरेको हो ।
नेता विरही वैशाखदेखि नै भरतपुर अस्पतालमा उपचाररत हुनुहुन्थ्यो ।
घरमा काम गर्दा लडेपछि ढाडमा समस्या हुँदा विरही उपचारका लागि पुरानो मेडिकल कलेज जानुभएको हो । त्यही बेला उहाँलाई प्रहरीले नियन्त्रणमा लिएर अस्पताल पुर्याएको थियो ।
नेता विरही चन्द समूहका प्रभावशाली नेताका रुपमा चिनिनुहुन्छ ।
