काठमाडौँ । जापानी टेक्नोलोजीमा आधारित भारतीय नयाँ इलेक्ट्री स्कुटर ब्राण्ड ओकिनवा नेपाल आइपुगेको छ ।
ओकिनवाको आधिकारीक वितरक विक्की इन्टरप्राइजेजले विभिन्न ५ मोडलका स्लेक्ट्रीक स्कुटर र डेलीभरी मोपेड नेपाल ल्याएको छ ।
कम्पनीले नेपाल भित्रयाएका सबै स्कुटरमा लिथिएम आयन व्याट्री रहेको छ । यी स्कुटहरुले ८० किलोमिटरदेखि १६० किलोमिटरसम्म माइलेज दिने कम्पनीले जनाएको छ ।
कम्पनीका अनुसार नेपाली बजारमा आइप्रेज प्लस, प्रेज प्रो, रेज प्लस, लाइट, आर ३० र डुअल गरी पाँच मोडलका स्कुटरको मूल्य पनि सार्वजनिक गरेको छ ।
कम्पनीको सबैभन्दा महंगो स्कुटर आइप्रेज प्लसको मूल्य ३ लाख ४० हजार निर्धारण भएको छ ।
निर्धारण भएको मूल्य अनुसार प्रेज प्रोको मूल्य २ लाख ६० हजार रहेको छ । यस्तै रेजको मूल्य २ लाख ३० हजार, आर ३० को १ लाख ७० हजार, लाइटको २ लाख ८० हजार र डुअलको मूल्य २ लाख १५ हजार रुपैयाँ रहेको छ ।
कम्पनीले एक लाख ७० हजार रुपैयाँदेखि तीन लाख ४० हजार रुपैयाँ मूल्य राखेर यी स्कुटर नेपालमा विक्री वितरण गर्ने जनाएको छ ।
साथै आधिकारीक विक्री सुरुसँगै कम्पनीले देशका विभिन्न भागमा डिलर नेटवर्क विस्तार गर्ने भन्दै इच्छुक फर्महरुलाई आह्वान गरेको छ ।
