सोलुखुम्बु । बरबोट आधारभूत विद्यालयका निवर्तमान प्रधानाध्यापक कमला राईको वास्तविक जिवनमा आधारीत डकुमेन्ट्री हेडमिस सार्वजनिक गरिने भएको छ ।
सोलुदुधकुण्ड नगरपालिका तिंला ११ स्थित बरबोट आधारभूत विद्यालयको प्रांगणमा फागुन २० गते डकुमेन्ट्री हेडमिस सार्वजनिक गरिने भएको हो ।
बरबोट आधारभुत विद्यालयमा कार्यरत प्रद्यानाध्यापक कमला राईको विदाइ कार्यक्रमको समारोहमा सो डकुमेन्ट्री हेडमिस सार्वजनिक गरिन लागिएको हो ।
ममता राईद्धारा लिखित डकुमेन्ट्री हेडमिसमा प्रद्यानाध्यापक कमला राईको ३९ वर्षको शिक्षण अनुभव साथै उहाँको सम्पूर्ण जीवन संघर्षलाई समेटेर कथा तयार पारिएको छ ।
ममता राईद्धारा लिखित तथा निर्देशित सो डकुमेन्ट्री हेडमिसको छायांकन तथा सम्पादन प्रवेश राईले गर्नुभएको हो । यस्तै यशोदा राईको कथा वाचन साथै बिक्रम बाबु राईले आलेखन गर्नुभएको छ ।
निर्वतमान प्रधानाध्यापक कमला राईको वास्तविक जिवनमा आधारीत कथामा उहाँ स्वयम मूख्य पात्र रहनुभएको छ भने बाल कलाकारमा ज्योति राई लगायत अन्य कलाकारहरुको अभिनय रहेको छ ।
२०१९ सालमा जन्मुभएका प्रद्यानाध्यापक कमला राई आफु २० वर्षको उमेर हुँदा देखि शिक्षण पेशामा आबद्ध हुनुहुन्थ्यो । करिव चार दशक शिक्षण पेशामा आबद्ध निवर्तमान प्रधानाध्यापक कमला राईलाई विद्यालयले फागुन २० गते बिदाई गर्ने भएको छ ।
