सामाजिक संरचना नै महिलाको विरुद्धमा : सहायक प्रमुख जिल्ला अधिकारी लक्ष्मी भट्टराई

सोलुखुम्बु । सोलुखुम्बु जिल्लाका सहायक प्रमुख जिल्ला अधिकारी लक्ष्मी भट्टराईले सामाजिक संरचनाका कारण महिला पछि परेको बताउनुभएको छ । उहाँले पितृ सत्तात्मक सामाजिक संरचनाका कारण पुरुषको तुलनामा महिला पछि रहेको बताउनुभएको हो ।
उहाँले उत्पादन प्रणालिमा महिलाको स्वामित्व नरहेको उल्लेख गर्नुभयो । महिलाले श्रम गरेतापनि स्वामित्व नरहेको गुनासो गर्दै समान व्यवहारको कुरा सविधानमा मात्र सिमित रहेको उल्लेख गर्नुभयो ।
यस्तै महिलाहरु हरेक क्षेत्रमा दोस्रो दर्जामा मात्र हावि रहेको उल्लेख गर्नुभयो । हरेक क्षेत्रबाट महिलालाई वस्तु सरह व्यवहार गर्ने धर्म सस्कृति रहेको कारण हरेक पक्षबाट महिला पछि परेको बताउनुभयो ।
सामाजिक संरचनाका कारण महिलाले आफनो विचारलाई स्वतन्त्र रुपमा राख्न नसकेको उल्लेख गर्नुभयो । उहाँले महिला आफै कमजोर नभएको बताउँदै अवसरको कारण पछि परीरहेको बताउनुभएको छ । यस्तै सामाजिक तथा लैंगिक विभेदबाट निर्मीत सामाजिक संरचना नैै महिलाको विरुद्धमा रहेको विचार व्यक्त गर्नुभयो ।
सहायक प्रमुख जिल्ला अधिकारी लक्ष्मी भट्टराईले महिला आफै शसत्त रुपमा अगाडि बढेर आउन चाहे पनि सामाजिक संरचनाकै कारण एक कदम सार्नका लागि पनि दश पटक सोच्न बाध्य बनेको बताउनुभयो । निर्णय लिने शत्तिमा महिलाको पहुँच कम रहेको बताउनुहँुदै अब हरेक क्षेत्रमा कार्यरत महिला आफै निर्धक्क रुपमा अगाडि बढ्नका लागि आग्रह पनि गर्नुभयो ।