सोलुखुम्बु । नेकपा एमालेका अध्यक्ष केपी शर्मा ओली भोलि सोलुखुम्बु आउँदै हुनुहुन्छ । बृहत पार्टि प्रवेश कार्यक्रमलाई सम्बोधन गर्न आउने कार्यक्रम रहेको राष्ट्रिय युवासंघ नेपाल जिल्ला कमिटि सोलुखुम्बुका अध्यक्ष प्रवेश किरातिले जानकारी दिनुभयो ।
अध्यक्ष ओली भोलि मध्यान्ह १२ः३० मा हेलीकप्टरबाट जिल्ला प्रहरी कार्यालयको प्रांगणमा ल्याण्ड हुने बताइएको छ । अध्यक्ष ओलिसँगै पूर्वगृहमन्त्री खगराज अधिकारी, नेकपा एमालेका महासचिव इश्वर पोखरेल, पूर्वमूख्यमन्त्री शेरधन राई र पूर्वभौतिक पूर्वाधार विकासमन्त्री अम्बिरबाबु गुरुङ पनि जिल्ला आउने कार्यक्रम रहेको छ । यस्तै नेकपा एमाले प्रदेश नम्बर एक कमिटि सदस्य तथा राष्ट्रिय सभा सदस्य सोनाम गेल्जेन शेर्पा, नेकपा एमाले प्रदेश एक कमिटि सचिवालय सदस्य महेस किराति लगायत जिल्लाका अन्य शिर्षनेताहरु जिल्ला आउने कार्यक्रम रहेको अध्यक्ष किरातिले जानकारी दिनुभयो ।
अध्यक्ष ओलिको सुरक्षाको लागि नेपाल प्रहरी, शसस्त्र प्रहरी साथै राष्ट्रिय युवा संघका २०० युवाहरु तैनाथ रहेका छन ।
भोलि नेपालि कांग्रेसका महाधिवेशन प्रतिनिधी समेत रहनुभएका आङकाजि शेर्पा कांग्रेस पार्टि परित्याग गरि नेकपा एमालेमा प्रवेश गर्ने कार्यक्रम रहेको छ । शेर्पासँगै अन्य कांग्रेसका ५०० जनाभन्दा बढि पार्टि प्रवेश गर्ने नेकपा एमाले जिल्ला कमिटि सोलुखुम्बुले जनाएको छ । भोेलि विशान १० बजे जिल्ला समन्वय समितिको प्रांगणमा हुने कार्यक्रममा र्यालि, झाँकी प्रदर्शनको साथमा जनसांस्कृतिक महासंघ नेपालद्धारा सांस्कृतिक प्रदर्शन गर्ने समेत कार्यक्रम रहेको राष्ट्रिय युवासंघ नेपाल जिल्ला कमिटि सोलुखुम्बुका अध्यक्ष प्रवेश किरातिले जानकारी दिनुभयो ।
नेकपा एमालेका अध्यक्ष ओली सोलुखुम्बु आउदै, सुरक्षाको लागि नेपाल प्रहरीको साथमा युवा संघका २०० युवा तैनाथ
