श्रीजनसील युवा क्लव सोताङको खेल मैदानको उद्घाटन

सोलुखुम्बु । श्री श्रीजनसील युवा क्लव सोताङ ५ गोर्खिमको पहिलो वार्षिक उत्सवको अवसरमा ‘मेरो घर म सफा गर्छु’ भन्ने नारा सहित संस्थाको खेल मैदानको उद्घाटन गरिएको छ । प्रदेश  सरकारबाट विनियोजित ४ लाख रुपैया लागतमा निर्मित खेल मैदानको सोताङ गापा प्रमुख वीर बहादुर राईले रीवन काटेर उद्घाटन गर्नुभएको हो ।
कार्यक्रमलाई सम्बोधन गर्नुहुँदै गाउँपालिका प्रमुख राईले गाउँपालिकाले गर्नुपर्ने कार्य संस्थाले गरेकोमा खुशी व्यत्त गर्नुहँुदै समाजमा सकारात्मक कार्य गर्ने संस्थालाई आगामि दिनमा पालिकाले सहयोग गर्ने बताउनुभयो । उहाँले नाफामुखी भन्दा पनि सेवामुखी ढंगले काम गर्नुपर्नुमा जोड दिनुभयो ।
गाउपालिका उपाध्यक्ष लक्ष्मी कार्की बस्नेतले सबै नागरिकलाई टेवा पुग्ने किसीमको काम संस्थाले गर्नुपर्ने बताउनुहुँदै प्रभावकारी ढंगले काम गर्नका लागि आग्रह गर्नुभयो ।
कार्यक्रम संस्थाका अध्यक्ष मिलन राईको अध्यक्षता साथै गाउँपालिका प्रमुख वीर बहादुर राईको प्रमुख आतिथ्यमा सम्पन्न भएको हो । कार्यक्रममा इलाका प्रशासन कार्यालय सोताङका प्रमुख विष्णु प्रसाद सुवेदि लगायत जनप्रतिहरुको उपस्थिति रहेको थियो ।