इन्धनको मूल्यमा वृद्धि

काठमाडौं । नेपाल आयल निगमले इन्धनको मूल्य वृद्धि गरेको छ । बुधबार बेलुकी १२ बजेदेखि लागू हुने गरेर निगमले पेट्रोल, डिजेल र मट्टितेलको मूल्य प्रति लिटर पाँच रुपैयाँको दरले वृद्धि गरेको हो । योसँगै अब पेट्रोलको मूल्य प्रति लिटर एक सय ६० रुपैयाँ पुगेको छ भने डिजल र मट्टितेलको मूल्य प्रति लिटर एक सय ४३ रुपैयाँ पुगेको छ ।

निगमले पेट्रोल, डिजल र मट्टितेलसँगै खाना पकाउने ग्यासको मूल्य समेत बढाएको छ । यस अघि १५ सय ७५ रुपैयाँ रहेको खाना पकाउने ग्यास अब प्रति सिलिण्डर १६ सय रुपैयाँ पुगेको छ ।