काठमाडौँ । गायक जनम थुलुङको माम पाप एल्बम अन्तर्गत रहेको ‘रोक्नी वो च्योमिम्’ गीत सार्वजनिक भएको छ ।
गायक जनम थुलुङ आफैले लेख्नुभएको गीतमा पार्बती थुलुङ राईले आवाजमा साथ दिनुभएको छ ।
कुमार थापाले एरेन्ज गर्नुभएको गीतमा प्रबेश राईले छायांकन साथै सम्पादन गर्नुभएको हो ।
पछिल्लो समयको व्यस्त निर्देशक ममता थुलुङ राईले भिडियो निर्देशन गर्नुभएको छ । गीतमा रासमान राई, मंशी माया राई, जनम थुलुङ, सशी राई, ममता थुलुङ, पुस्कल राई, निनाम्बु थुलुङ, टेक मान राई, श्याम लक्ष्मी राई, हर्क बहादुर राई, राजन राई, सोम राज राई, मातृका राई, वायलुङ्मा राई लगायतको अभिनय रहेको छ ।
सन्तान सानो हुँदा आफुसँग भएतापनि हुर्किएसँगै एक्लो हुँदाको पीडालाई गीतमार्फत व्यक्त गरिएको छ । बुढेसकालमा पुगीसक्दा पनि घरमा बुढाबुढी आफैले कष्टको साथ काम गर्नुपर्ने बाध्यता र बुढेसकालको सहारा भनिएको छोराछोरीहरु आफुसँग नहुँदा मनमा खेलेका कुराहरु गीतमा प्रस्तुत गरिएको छ । साथै पर्देशिएका छोरोछोरीहरु आफनो घरमा नफर्किएको गुनासो गर्दै आफु डुब्न लागेको घाम र जूनजस्तै भएकाले आफनो जन्मघरमा पुनः फर्केर आउन भनेर आफना सन्तानलाई अनुरोध गरिएको छ ।
हरेक घरको कथा र वर्तमान समाजको वास्तविकतालाई गायक जनम थुलुङले गीतको शब्दमार्फत चित्रण गर्नुभएको छ ।