थुलुङ समुदायको पहिलो म्यूजिक भिडियो सार्वजनिक (भिडियो सहित)

काठमाडौँ । आधुनिक गायन तथा थुलुङ भाषाका लोकप्रिय गायक जनम थुलुङले मातृभाषाको म्यूजिक भिडियो सार्वजनिक गर्नुभएको छ ।
थुुलुङ भाषाको दोस्रो ‘माम पाप’ एल्बममा रहेका नौँ वटा गितहरु मध्ये ‘हाम बोमु झाम’ (के गर्न सकिन्छ) बोलको गितको म्यूजिक भिडियो व्यत्तिगत युट्व च्यानल मार्फत आज सार्वजनिक गर्नुभएको हो ।

थुलुङ समुदायको पहिलो म्यूजिक भिडियो भएकाले आफुले यस गितको लागि निकै नै मेहनत गरेको गायक जनम थुलुङले बताउनुभएको छ ।

उहाँले यस गितबाट आम्दानि लिने सोच भन्दा पनि थुलुङ समुदायलाई जागरुक बनाउँदै संस्कारप्रति अग्रसर गराउने उद्धेश्य रहेको बताउनुभयो ।

गायक थुलुङले आफुले रचना गर्नुभएको गित मार्फत थुलुङ समुदायमा महत्वपूर्ण योगदान दिदै आएता पनि सम्बन्धित निकायमा रहेका सरोकारवाला व्यत्तिहरुको वेवास्ताका कारण थुलुङ समुदाय पछि पर्दै गएको दुखेसो गर्नुभयो । उहाँले अब युवा पुस्ताले अग्रजहरुसँग सिक्दै नगएमा मौलिकता हराएर जाने भन्दै अब संस्कार जोगाउनका लागि युवाको विशेष हात रहने उल्लेख गर्नुभयो ।

गितकार जसिहब थुलुङले थुलुङ जातिहरुको आफनो भाषा, संस्कार, संस्कृति र भेषभूषालाई जगेर्ना गर्नका लागि अब सबै थुलुङ एक भएर अघि बढ्नका लागि आग्रह गर्नुभएको छ । पछिल्लो समय आधुनिकतासँगै आफनो मौलिकता हराउँदै गएकाले चिन्ता व्यत्त गर्दै गित संगित मार्फत संस्कार जोगाउन सन्देश दिन खोजिएको पनि गितकार जसिहब थुलुङको भनाई छ ।

यस्तै खेलकुद साथै कला क्षेत्रमा अघि बढिरहेका मोडल किम हाङ थुलुङले यस म्यूजिक भिडियोले थुलुङ जातिहरुलाई मिठो सन्देश दिदै जागरुक हुनमा मद्धत पुर्याउने विश्वास व्यत्त गर्नुभयो । साथै मोडल शसि कला थुलुङले पनि यस गितमा अभिनय गर्दा आफुलाई आफनो भाषा र संस्कृतिप्रति अझ बढि मोह बढेको विचार व्यत्त गर्नुभयो ।

थुलुङहरुको आफनो संस्कार अनुसार छुट्टै नाच्ने तरिका भएकाले आफुले मेहनत गरेर कलाकारहरुमा निखारता ल्याउने प्रयास गरेको नृत्य निर्देशक ममता थुलुङले बताउनुभयो । आफुले मेहनत गरे अनुसार भिडियोमा देख्न सकिने भएकाले आफनो मेहनतप्रति सन्तुष्टि रहेको उहाँको भनाइ छ ।

गितकार जसिहब राई ‘खार्ल्युम्च्यो ले लेख्नुभएको शब्दलाई गायक जनम थुलुङको संगित रहेको छ भने रञ्जना थुलङ राई र जनम थुलुङको आवाज रहेको छ । उत्त गितमा किम हाङ राई, शसिकला राई साथै बालकलाकार हिमांशु राई र सैलबी राईको आकर्षक अभिनय रहेको छ ।
प्रवेश राईले खिच्नुभएको भिडियोलाई सुवास शाहले सम्पादन गर्नुभएको छ । भिडियोमा ममता थुलुङको नृत्य निर्देशन रहेको छ भने राजु कार्कीले ध्वनि सम्पादन गर्नुभएको हो ।

(भिडियो)
https://www.youtube.com/watch?v=ZgzWW4MpCZg&feature=youtu.be&fbclid=IwAR2d-SzWVhMBtjK70TaTUwT2IQ0bmtY1meZotsO5-FcfeWUWR1WJSupFmY4