भारतको उत्तराखण्डको मुख्यमन्त्रीमा तीरथ सिंह रावत नियुक्त

काठमाण्डौ – भारतको उत्तराखण्डको मुख्यमन्त्रीमा तीरथ सिंह रावत नियुक्त हुनुभएको छ । मङ्गलवार त्रिवेन्द्र सिंह रावतले राजीनामा दिएपछि खाली भएको पदमा भारतीय जनता पार्टी ९भाजपा० ले तीरथ सिंह रावतलाई नियुक्त गरेको भारतीय सञ्चारमाध्ययमले जनाएका छन् ।

यसअघि भारतीय जनता पार्टीको प्रदेश अध्यक्षसमेत भइसकेका तीरथ सिंह अहिले उत्तराखण्डको पौडी गढवालबाट सांसद हुनुहुन्छ । मुख्यमन्त्रीको कार्यसम्पादन सन्तोषजनक नरहेको हुँदा अर्को वर्ष फेब्रुअरी महिनामा हुने विधानसभा चुनावमा असर पर्न सक्ने भन्दै भाजपाले दबाब दिएपछि त्रिवेन्द्र सिंह रावतले मुख्यमन्त्री पदबाट राजीनामा दिनभएको भारतीय सञ्चारमाध्ययमले जनाएका छन् ।

मुख्यमन्त्रीमा नियुक्त भएसँगै तीरथ सिंह रावतले सपथ पनि लिइसक्नुभएको छ । उहाँले उत्तराखण्डको विकासमा भइरहेको गतिलाई आफ्नो कार्यकालमा पनि निरन्तरता दिने बताउनुभएको छ ।

उत्तराखण्डको स्थापना हुँदा तीरथ सिंह रावत प्रदेशका पहिलो शिक्षा मन्त्री हुनुहुन्थ्यो । त्यसपछि सन् २००७ मा उहाँ उत्तराखण्ड राज्यको महासचिव बन्नुभएको थियो । सन् २०१२ मा विधायक चुनिनुभएका रावतलाई सन् २०१३ मा बीजेपीले उत्तराखण्डको नेतृत्व सुम्पिएको हो ।

सन् २०१७ को विधानसभा चुनावमा बीजेपीले यहाँ प्रचण्ड जित हासिल गरेको थियो । ७० सदस्यको उत्तराखण्ड विधानसभामा बीजेपीले ५७ सिट जितेको थियो । भारतीय कांग्रेस मात्र ११ सिटमा समेटिएको थियो ।

साभार उज्यालो अनलाइन