सोलुखुम्बु । सोलुदुधकुण्ड नगरपालिका उपप्रमुखका आकांक्षी सारदा माया तामाङले महिला लक्षित कार्यक्रममा आफना विशेष जोड रहेको बताउनुभएको छ । प्रतिबद्धता सार्वजनिकीकरण कार्यक्रममा बोल्नुहुदै उहाँले महिलालाई सबल र सक्षम बनाउने किसीमका कार्यक्रम निर्माणमा आफुले पहल गर्ने बताउनुभएको हो ।
उहाँले महिलाहरु शैक्षिक, आर्थिक र राजनितीक पक्षमा सबल हुनुपर्ने बताउनुहुदै हरेक स्तरबाट अब्बल बनाउनेमा आफनो प्रयास रहने बताउनुभयो । यस्तै शिक्षाबाट वञ्चित महिलाहरुका लागि गृहिणि शिक्षा प्रदान गर्दै महिला सम्बन्धित कार्यक्रम ल्याउनका लागि आफुले पहल गर्ने प्रतिबद्धता व्यत्त गर्नुभयो । उद्यमशिल महिलाका लागि व्यवसायिक सीप विकासमा जोड दिदै सीपमूलक तालिमका साथमा कृषि क्षेत्रमा अनुदानको व्यवस्था गर्ने उल्लेख गर्नुभयो । उहाँले महिला हिंसा अन्त्य गर्न महिला एकता आवश्यक रहेको बताउनुभयो ।
ताजा समाचार
