काठमाडौँ । कमेडी शो ‘मुन्द्रेको कमेडी क्लब’को अध्यक्षमा अब करिश्मा मानन्धरलाई देख्न सकिने छ ।
हाँस्य कलाकार जितु नेपाल ‘मुन्द्रे’ले संचालन गर्दै आउनुभएको उक्त शोको पहिलो सिजनमा कलाकार तथा निर्देशक दीपाश्री निरौलाले शोको अध्यक्षता ग्रहण गर्दै आउनुभएको थियो ।
कोरोनाका कारण लकडाउन भएसगैँ रोकिएको शो फरक शैलीमा प्रस्तुत गर्ने तयारी रहेको हाँस्य कलाकार जितु नेपालले बताउनुभएको छ ।
दीपाको स्थानमा अब नायिका करिश्मा मानन्धरले शोको अध्यक्षता गर्नुहुनेछ । जीतु नेपालका अनुसार कलाकार दिपा श्री निरौलाले सल्लाहा गरेरै शो छाडेको हो ।
कमेडी शो ‘मुन्द्रेको कमेडी क्लब’का संचालक जितु नेपालले अब दर्शकले शोमा नयाँ परिवर्तन पाउने पनि बताउनुभयो।
