काठमाडौं । नेकपा एमाले सोलु-काठमाडौं सम्पर्क मंचको सचिवालयको बैठकले सांसद बन्नका लागि स्नातक तहको अध्ययन पुरा गर्नुपर्ने प्रस्ताव पेश गरेको छ । आज काठमाडौंमा बसेको सचिवालयको बैठकले उम्मेद्बारी योग्यताको विषयमा छलफल गर्दा समन्वय प्रमुख र नगरपालिका प्रमुख तथा उपप्रमुखका लागि स्नातक तह उतिर्ण साथै गाउँपालिकाको अध्यक्ष र उपाध्यक्षका लागि प्रविणता प्रमाणपत्र तह (कक्षा १२) उतिर्ण गर्नुपर्ने सुझाव पेश गरेको हो । यस्तै पार्टी परित्याग गरि गएका व्यक्ति पुनः पार्टीमा फर्केकाको हकमा पाँच वर्षसम्म कुनै पनि उमेदवारमा नियुक्ति नगर्ने साथै एकपटक पराजित भएका उमेदवार पुनः अर्को पटक उमेदवार बन्न नपाउने सुझाव पेश गरेको छ । यस्तै, बैठकले पार्टीको लोगो साविकमा प्रयोग गरिएको सूर्य चिन्ह प्रयोग गर्ने साथै जनसंगठन मोर्चालाई समन्वय संयन्त्रलाई हटाएर क्षेत्रगत तथा विषयगत जनसंगठन राख्ने भनिएको छ । यसैगरी, तीन वा तीन भन्दा बढी समान पद सृजना भएको खण्डमा महिला ३३% को व्यवस्था गर्नुपर्ने लगायतको सुझावहरु पेश गरेको छ । नेकपा एमाले केन्द्रीय कार्यालयले नौवटा बुदामा तयार पारेको विधानका विषयमा छ्लफल गर्दै उक्त सुझावहरु पेश गरिएको नेकपा एमाले सोलु- काठमाडौं सम्पर्क मंचका सचीव आङबाबु राईले जानकारी दिए । सचीव राईका अनुसार चारवटा बुदालाई परिमार्जन साथै थप गरि सुझाव पेश गरिएको छ भने बाकी पाँचवटामा भने समर्थन रहेको छ । सोलु-काठमाडौं सम्पर्क मंचका अध्यक्ष कृष्ण गोपाल श्रेष्ठ, सोलु काठमाडौं सम्पर्क मंचका इन्चार्ज बच्चुनारायण श्रेष्ठ, प्रदेश सम्पर्क कमिटीका सचीव नन्दकुमार राई, नेकपा एमाले सोलुखुम्बु जिल्ला कमिटी सदस्य दावा तामाङ लगायत सचिवालयका अन्य पदाधिकारीहरुको उपस्तिथिमा सो निर्णयहरु पारित गरिएको मंचले जनाएको छ । सोलु काठमाडौं सम्पर्क मंचका इन्चार्ज बच्चुनारायण श्रेष्ठले बैठकले परिमार्जन गरेका बुदालाई सुझावको रुपमा मात्र नभई कार्यान्वयनका लागि सम्पुर्ण पदाधिकारीलाई विशेष जोड दिनुपर्ने बताउँदै आवस्यक कार्यक्रमको समेत तय गर्नका लागि आग्रह गरेका छन ।
