सोलुखुम्बु । थुलुङ दुधकोशी गाउँपालिका अध्यक्षका उमेद्धार आङ बाबु राईले घोषणापत्रमा उल्लेख गरिएको कार्यलाई इमान्दारीताका साथ कार्यान्वयन गर्ने प्रतिबद्धता व्यत्त गर्नुभएको छ । थुलुङ दुधकोशी गाउँपालिका वडा नम्बर ५ सुकेपोखरीमा शुक्रबार आयोजित चुनावि सभालाई सम्बोधन गर्दै दुधकोशी नदिमा मोटरेबल पूलको निर्माणका लागि आफुले पहल गर्ने उल्लेख गर्नुभयो ।
उहाँले थुलुङ दुधकोशी गाउँपालिका कोशीपारी अवस्थित वडा नम्बर ४, ५ र वडा नौ लोखिम र जुवुमा सहज आवतवाजतका लागि दुधकोशी नदिमा मोटरेबल पूलको निर्माण कार्य चाँडो सम्पन्न गर्नका लागि पहल गर्ने प्रतिबद्धता व्यत्त गर्नुभयो ।
यस्तै सडकको पहुँच नपुगेको ठाउँमा सडकको विस्तार गर्ने बताउनुहुँदै गाउँपालिकाको चौतर्फि विकासमा आफुले जोड दिने प्रतिबद्धता गर्नुभयो ।
नेकपा एमाले इमान्दार पार्टि भएकाले विकास गर्ने कुरामा कुनै कसुर नराख्ने बताउदै आफनो पार्टिको चिन्ह सूर्यमा मतदान गर्नका लागि आग्रह समेत गर्नुभयो ।
