लैङ्गिकता र समावेशीको विषयमा रीड नेपालको जोड

सोलुखुम्बु । रीड नेपालले सोलुखुम्बुका स्थानिय तहसँगको समन्वयमा विद्यालय सुधार योजना निर्माणको विषयमा अन्तरक्रिया कार्यक्रम सञ्चालन गरिरहेको छ ।
विद्यालय सुधार योजनामा लैङ्गिकता र समावेशीको विषयवस्तुलाई समावेश गर्ने उद्धेश्यका साथ सो कार्यक्रम जेष्ठ १९ गतेदेखि सञ्चालन गरिएको हो ।
जिल्लाको १०० वटा विद्यालयमा अन्र्तक्रिया गर्ने लक्ष्य रहेकोमा अहिलेसम्म ४० वटा विद्यालयमा सम्पन्न भइसकेको छ भने ६० वटा विद्यालयमा कार्यक्रम बाँकी रहेको शिक्षा विकास संयोजक केशव गिरीले जानकारी दिनुभयो ।

सो अन्तरक्रिया कार्यक्रममा विद्यालय व्यवस्थापन समिति, शिक्षक अभिभावक संघ, प्रद्यानाध्यापक, अभिभावक, शिक्षक साथै बालक्लवका प्रतिनिधिहरुलाई सहभागि गराइएको छ । अन्तरक्रिया कार्यक्रमको सहजिकरण रीड नेपालका प्रशिक्षकहरुले गरिरहेका छन ।