काठमाडौं । माघ ७ गतेदेखि राष्ट्रिय महिला लिग फुटबल हुने भएको छ । एक महिना लामो समय हुने खेलमा सात टिम सहभागी हुने अखिल नेपाल फुटबल संघ (एन्फा) ले जनाएको छ ।
लिग खेल्ने हरेक टिमले चार विदेशी खेलाडी राख्न र खेलाउन सक्नेछन् भने प्रतियोगिता अवधिभर कुनै खेलाडी वा अफिसियललाई कोभिड– १९ को शंका लागेमा एन्फाले नै आइसोलेसनको व्यवस्था गर्नेछ ।
एन्फाका अनुसार लिगको पहिलो र अन्तिम खेल दशरथ रंगशालामा हुनेछ भने बाँकी खेल सातदोबाटोस्थित एन्फा कम्प्लेक्सको मैदानमा हुनेछ ।
प्रतियोगिता विजेताले १५ लाख पाउनेछ भने दोस्रो हुनेले ८ लाख, तेस्रोले पाँच लाख र चौथोले तीन लाख रुपैयाँ पाउनेछ ।
