काठमाडौं । वरिष्ठ हास्य व्यंग्य कलाकार मनोज गजुरेल चाँडै विवाह गर्ने तयारीमा हुनुहुन्छ ।
२०७४ सालमा श्रीमती मीना ढकालसँग डिभोर्स गरेपछि ‘सिंगल लाइफ’ बाँच्दै आएका गजुरेलले नयाँ जीवनसाथी भेटेको प्रतित्रिया दिनुभएको छ ।
यद्यपि विवाहको तिथि भने निश्चित भएको छैन ।
उहाँले आफू प्रेम सम्वन्धमा रहेको संकेत दिनुभएको छ। उहाँका अनुसार आफ्नो भावी जीवनसाथीको बारेमा भने उनले निकै कमलाई मात्र थाहा छ ।
साथीभाइको शुभकामना, सल्लाह र सुझावअनुसार नै नयाँ जीवन शुरू गर्न लागेको गजुरेलको भनाइ छ ।
कलाकार मनोजका एक छोरा र एक छोरी छन् । डिभोर्स हुँदा छोरा बुवासँग र छोरी आमासँग बस्ने सहमति थियो । तर, अहिले छोरा र छोरी दुवै बुवासँगै बस्छन् । छोरा मिरोज २३ वर्षका र छोरी मेमोरी १५ वर्षका छन् ।
गजुरेल हालै कोरोना संक्रमणमुक्त भएका छन् । अक्सिजन लेभल कम भएपछि उनले केही दिन अस्पतालको आइसीयूमा बस्नुपरेको थियो ।
समाचार स्रोतः अनलाइनखबर ।
